呢幾星期義工那邊有流感，接到通知暫時唔駛去，諗住會好清閒。勢估唔到反而去得俾以前密，頻頻接 call 要去幫手，七日內竟然去了三次。幸好情況已有好轉，預料下星期會回復正常。 去多左，與職員就更熟悉。亦因為咁就知道左短期內有幾位 BB 要走，其中兩個聽日就 farewell，今日就係我見佢地既最後一次... L 仔好似知到以後見唔到我，今日係都唔肯訓覺，攪左一大輪先成功；而 J 妹就明明訓著左，我臨走前行去佢張床望住佢，佢竟然起身，仲伸出隻嫩手同我握，攪到我一時感觸流左一滴眼淚... 上次有 B 仔走，我之後先知反而冇乜野。唔唔... 我決定唔去聽日既 farewell 都岩，到時既場面一定好傷感。當 L 仔係仔既職員 L 實喊，咁既環境太難接受喇。 走了他們，剩低既太部分都好少接觸，應該話佢地仍然好細，未識走，印象/感情就冇 B、L、J 咁深。剎那間覺得好似冇左照顧他們的動力，更要摸索照顧他們的不同手法... 希望感情可以慢慢增長，對住他們就可以輕鬆 D。 *** 好日都唔去會所，今日做完義工上到去室內體育館，發現正舉行乒乓球比賽雙打初賽。因穿著的不是運動鞋，所以只企係門外定睛地看。不久後被一名業主立案法團的委員叫了入館，說沒有關係，慢步行就得。入到去 court 3 (三號枱) 師奶對著住全套乒乓球裝既細路女既對戰已經打完，但我冇留意邊個贏，只係覺得個殺氣超強既細路女得一千零一招開波 (應該係弧圈球) 殺食，接球技術未到家，尤其係近檯波，成日想「削」，但又「削」唔到，俾師奶食叉燒咁食。或者係有人教路，以為靠開波就可進級，忽略左其他既技術。 Court 1 就係四位中年男士對決，其中一邊實力超哂班，直落贏三盤。對手雖打得很落力，奈何各方面既技術都係平平，開波完全冇威脅，超班個邊直頭係抽番過去，多數已經可以攪惦。 Court 2 原先係我覺得應該會好好睇既，因為練波時四位球員都有番咁上下，識抽，識拉，來來回回十幾板都得。點知... 似係父子既一隊，個大人既開波超普通 (輕微既下旋球)，擋波技術亦麻麻，對方一時玩下下旋，一時玩大力丸式上旋已經足以被打亂。雖然佢個仔實力相當唔錯，可惜個鍋唔易補，又係直落輸三盤，不過可觀性仍然係度。 睇左三場，總結就係︰ 拍擋弱，輸﹗ 開球好，接球差，輸﹗ 開球差，接球好，都輸﹗ 不過，新賽際 (十一分) 絕對對弱隊有著數，因為實力強既會失手 (如︰Court 1 強個隊人地一開波就抽，抽落網/出界既都唔少)，將比分拉近，弱隊就算贏唔到都唔會輸得好難睇，以前廿一分就冇咁易囉... p.s. 中學之後就冇打過乒乓球，以上所說都係得個講字，如有不實，請多包涵。 *** 又來介紹 blog。 之前介紹過「譯豚G家」 <http://transpig.mysinablog.com/index.php>，今次既介紹既「子貓物語~~~【附庸風雅】」 <http://chrisleung1954.mysinablog.com/index.php> 既內容都差唔多，有關語言，亦有涉及文化。Blog 主係梁煥松，移民澳洲前係教育署要員，現在係傳媒人。 英語正確發音趣談 <http://chrisleung1954.mysinablog.com/index.php?op=ViewArticle&articleId=91012> 翻譯之道：多動腦筋 <http://chrisleung1954.mysinablog.com/index.php?op=ViewArticle&articleId=94266> 粵語稽古 <http://chrisleung1954.mysinablog.com/index.php?op=ViewArticle&articleId=96442> *** 「譯豚G家」既做編輯老友 "Makoto Rakuen" <http://blog.makotow.com/index.php>，當中有一篇「神奇物理機關」<http://blog.makotow.com/read.php/671.htm> 介紹日本NHK電視台的一個教育節目。影片中既彈珠/骨牌遊戲設計得好精彩，絕不容錯過。 *** 昨天又拎 "The Emperor's New Groove" 既 DVD 出黎睇。睇左超過五次，依然係咁好笑，咁有娛樂性，配音非常盞鬼，人物又趣緻，絕對係我動畫電影既至愛。Pixar 暫時都未有套片好得過佢，我既 Pixar 至愛 "Monsters, Inc." 都未得。以下既 trailer 雖未反映到套片有幾好笑，但都可以一看...